Bolalarimiz bilan tortishmaylik

Har bir bola ota-onasi uni tushunishi, istaklari, shaxsi hurmat qilinishini istaydi. Shuningdek, ota-onalar ham barcha harakatlari jigarbandlari kelajagi uchun ekanini anglatishni istaydilar. Xadicha Kubro Tongarning mazkur kitobida 0 yoshdan 18 yoshgacha bo‘lgan farzandlar bilan to‘g‘ri munosabat o‘rnatish usullari haqida tushunchalar beriladi. Muallif muloqot o‘rnatish uslublarini bola rivojlanishi davriga ko‘ra o‘ziga xos tarzda: dastlabki, ikkinchi va uchinchi olti yillik kabi qismlarga bo‘lib o‘rganadi. Muammoni hal qilishda maqsadli xatti-harakat va yechimlar tahlil qilinadi. Hazrat Ali roziyallohu anhuning «Farzandlaringizni o‘z zamoningizga ko‘ra emas, balki ular tug‘ilgan davr sharoitiga qarab tarbiyalang», degan so‘zlari mag‘zini mutolaa jarayonida anglay borgan kitobxonlar, o‘ylaymizki, tinch, sokin va xotirjam oila muhitini shakllantirish bo‘yicha yo‘l xaritasiga ega bo‘lishadi.