Jeyms Patterson, Marshall Kerp: Qo''lingdan kelsa, mahv et

Forbes jurnali «Amerikaning birinchi raqamli hikoyanavisi» deya eʼtirof etgan Jeyms Pattersonning shiddatli voqealarga boy, kitobxonni zeriktirmaydigan va o‘qiganlarini esdan chiqarishga yo‘l qo‘ymaydigan ushbu romani yollanma qotillar, qonli javohirlar hamda Rossiya mafiyasining kirdikorlaridan hikoya qiladi. Jeyms Patterson tanqidchilar tomonidan dunyodagi eng katta bestsellerlar fabrikasi deb atalishi bejiz emas. Jeyms Patterson asarlarining «New York Times» bestselleriga aylanishi bo‘yicha Ginnes rekordlar kitobiga kiritilgan yagona yozuvchidir. Uning 1977 yildan buyon yozgan asarlari 300 milliondan ziyod nusxada sotilib, o‘ziga xos rekord o‘rnatgan. Yozuvchi tomonidan Marshall Kerp bilan hamkorlikda yozilgan «Qo‘lingdan kelsa, mahv et» asari voqealari triller va detektiv janrlari ixlosmandlarini hayajonga solmay qo‘ymaydi. Hatto o‘tkir syujetli film tomosha qilyapsizmi yoki asar mutolaasimi - ajratolmay qolishingiz mumkin. Muhimi, mazkur kitob asliyatdan, yaʼni ingliz tilidan o‘zbek tiliga o‘girilgan. Bu esa yozuvchi uslubining saqlab kolinishi, mohiyati kitobxonga yana-da teran mazmunda yetib borishida alohida o‘rin tutadi.