Ibrohim G‘afurov: Dil erkinligi: hikoyalar, mansuralar, badialar, adabiy maqolalar

O‘zbek tarjimashunoslik maktabining atoqli namoyandasi Ibrohim G‘afurov haqida so‘z ketganda haqli ravishda uni adabiyotimizning jonkuyar vakili, dunyo adabiyotini ona tilimizga olib kirgan va buyuk maʼnaviy xazinadan xalqimizni bahramand qilgan ustazoda ijodkor sifatida eʼtirof etamiz. Darhaqiqat, dunyo afkor ommasining qalbini larzaga solgan Fridrix Nitshe, Jeyms Joys, Lev Tolstoy, Fyodor Dostoyevskiy, Uilyam Folkner, Mopassan, Ernest Xeminguey, Gabriyel Garsia Markes, Knut Gamsun, Dino Bussati kabi daho ijodkorlar adabiy merosidan bahramand bo‘lgan o‘zbek kitobxoni yoxud har bir adabiyot ixlosmandi Ibrohim G‘afurovdan ko‘nglida minnatdorlik hissini tuyishi, shubhasiz. O‘zbekiston Qahramoni, adabiyotshunos olim, Nitshe, Dostoyevskiy, Markes hamda Aytmatovlarni o‘zbekcha “so‘ylatgan” tarjimon — yozuvchi Ibrohim G‘afurovning 8 jildlik "Adabiyot dunyosi" mualliflik asarlari to‘plamining 4 jildi - Dil erkinligi