Koinotni kashf etamiz. Teleskopdan marsoxodgacha | Martin Jenkins

Asrlar davomida odamlar yulduzlarga qarab: "Uzoq-uzoqlarda, bu qora tubsizlikda nima bor ekan?" deb o‘ylashgan. Insoniyatning eng yaxshi aql egalari bizning Koinotimiz qanday tuzilganligini, yulduzlar, Quyosh, Oy nimaga tayanishini tushunishga harakat qilganlar. Qadimgi yunon olimlari Eratosfen, Gipparx, Aristarx Samosskiy turli davrlarda o‘z gipotezalarini ilgari surishgan - aynan u birinchi bo‘lib Quyosh Yer atrofida aylanmaydi, balki aksincha, deb taxmin qilgan. Bu nihoyatda jasoratli edi, chunki o‘sha paytda Yer atrofida Quyosh, sayyoralar va yulduzlar aylanadigan koinotning markazi hisoblanardi. Ptolemeyning geotsentrik sistemasi XVI asrgacha, ya’ni polyak olimi Kopernik Quyosh sistemasining hamma narsa Quyosh atrofida aylanadigan geliotsentrik modelini taklif qilgunga qadar mavjud bo‘lgan. Kopernik nazariyasini birgina buyuk kashfiyot - teleskop ixtirosi orqali isbotlashga muvaffaq bo‘lindi. Teleskopning birinchi modeli italiyalik matematik Galileo Galiley tomonidan ishlab chiqilgan bo‘lib, u uzoqdagi obyektlarni 33 marta kattalashtirishni ta’minlagan. Osmon jismlarini kuzatish Galileyga Kopernik haq edi va hamma narsa haqiqatan ham Quyosh atrofida aylanadi, degan xulosaga kelish imkonini berdi. Aynan teleskopning paydo bo‘lishi koinotni o‘rganishga turtki bo‘ldi va o‘shandan beri odamlar endi to‘xtay olmaydilar, koinot esa hamon sir va jumboqlarga to‘la. Bu kitob kichkina kosmonavtlar va katta yoshli astronomlar uchun, yulduzli osmonga bir marta bo‘lsa ham maftun bo‘lib qaragan va dunyomizning biroz yaqinlashgan bu sirlarini bilishni istagan har bir kishi uchun mo‘ljallangan.

Diqqat! Mahsulot muqovasining ko‘rinishi bosmaxona tomonidan ogohlantirilmasdan o‘zgartirilishi mumkin.