Ommaviy shartnomasi - ofertasi


Chakana savdo oldi-sotdi ommaviy shartnomasi - ofertasi

"MARKETPLACE TRADING", bundan keyin "Sotuvchi" deb ataladigan mas'uliyati cheklangan jamiyat hujjatni e'lon qiladi, ushbu Hujjat O'zbekiston Respublikasi Fuqarolik Kodeksining 369 – moddasiga muvofiq (bundan keyin - O'zR FK), keyinchalik "Xaridor" deb nomlangan layoqatli jismoniy/yuridik shaxslarga qaratilgan Ommaviy oferta bo’lib, Shartnoma tuzish taklifini qabul qilgan Xaridor bilan ushbu Ommaviy oferta (keyinchalik – Shartnoma) quyidagi shartlar asosida tuziladi:

1. Umumiy qoidalar.

1.1. Atamalar va ta'riflar:

Aksept – Buyurtmani rasmiylashtirish orqali ofertani to'liq va shartsiz qabul qilish to'g'risidagi xaridorning javobi bo'lib, O'zbekiston Respublikasi Fuqarolik Kodeksining 370-moddasiga muvofiq Shartnoma tuzishga teng hisoblanadi.

Tovarlarni masofaviy sotish usuli – Xaridor Sotuvchining veb-sahifasida (www.sello.uz) mavjud bo'lgan tovarlarning tavsifi bilan tanishishi orqali chakana savdo shartnomasi bo'yicha tovarlarni sotishi.

Buyurtma – Xaridor tomonidan tanlangan tovarlar, ularning miqdori, xususiyatlari, to'lov miqdori va to'lov shartlari to'g'risidagi ma'lumotlarni o'z ichiga olgan tovarni sotib olish va yetkazib berish uchun Marketpleys orqali yuborilgan so'rov. Xaridorning buyurtma berishi Xaridor ushbu ofertaning barcha shartlarini to'liq qabul qilganligini tasdiqlaydi.

Marketpleys – Komitentning tovari haqida ma'lumot beruvchi Komissionerning tijorat platformasi (https://sello.uz).

Xaridor – tovarga buyurtma berish va sotib olish niyatida bo'lgan mobil telefon raqami va boshqa ma'lumotlarni (talab qilinsa) majburiy ravishda kiritish yo'li bilan Marketpleysda ro'yxatdan o'tgan layoqatli shaxs.

Sotuvchi – tovarlarni masofaviy usul orqali sotuvchi yuridik shaxs.

Xizmatlar – Sotuvchi tomonidan yetkazib berish, ko'tarish, montaj qilish, sozlash va shunga o'xshash boshqa ko'rsatiladigan xizmatlar, ularning turlari va qiymati ushbu Shartnomada va Sotuvchi veb-sahifasining tegishli bo’limida Xaridorga ma’lum qilinadi.

1.2. O'zR FK 367-moddasiga muvofiq ushbu hujjat Ommaviy oferta hisoblanib, quyida keltirilgan shartlarni qabul qilingan holda, ofertaning akseptini amalga oshiruvchi layoqatli shaxs ushbu Shartnoma va Buyurtma shartlariga muvofiq ravishda Sotuvchining Tovariga to'lovni amalga oshiradi.

2. Shartnoma predmeti.

2.1. Sotuvchi shaxsiy, oilaviy, uy yoki boshqa foydalanish uchun mo'ljallangan Tovarni Xaridor buyurtmasiga muvofiq ravishda Xaridorning mulkiga o'tkazish, Xaridor esa ushbu Buyurtma va Shartnomada ko'rsatilgan tartib va muddat asosida Tovarni qabul qilish va to'lash majburiyatini oladi.

2.2. Ushbu Shartnoma Xaridor va Sotuvchining o'zaro munosabatlarining umumiy huquqiy tamoyillarini aks ettiradi. Xaridorning Buyurtmani berish, qayta ishlov berish, bajarish, to'lash, yetkazib berish, Tovarni almashtirish va qaytarishning muhim shartlari Xaridor veb-sahifaning tegishli bo'limlarida batafsil ko’rsatilgan.

3. Taraflarning huquqlari va majburiyatlari.

3.1. Sotuvchi o'z zimmasiga oladi:

3.1.1. Tovarni Xaridorga ushbu Shartnoma tartibi va shartlari asosida yetkazish.

3.1.2. Ushbu Shartnomada ko'rsatilgan saqlash va transportirovka sharoitida Tovarning xavfsizligini ta'minlovchi, mos ravishda qadoqlangan holda Tovarni Xaridorga yetkazish. Qadoq narxi Tovar narxiga kiradi.

3.1.3. Tovar bilan bir vaqtda Xaridorga Tovarning jihozlari, shuningdek, ushbu Shartnoma va O'zbekiston Respublikasining amaldagi Qonunchiligida nazarda tutilgan tegishli hujjatlarni yetkazish.

3.1.4. Xaridorga Tovar haqida zarur va ishonchli ma'lumotlarni o'z vaqtida taqdim etish. Xaridorning veb-sahifasida taqdim etilgan barcha matnli ma'lumotlar, foto-video materiallar, Tovarning o'ziga xos xossalari va xususiyatlari, yetkazib berish shartlari, ishlab chiqarish davlati, sotib olish narxi, shartlari va kafolat muddati, Tovar uchun to'lov tartibi to'g'risida to'liq ma'lumotni o'z ichiga oladi. Xaridorda Buyurtma berishdan oldin qo'shimcha savollar paydo bo’lganda, maslahat uchun Sotuvchiga qo'ng'iroqlar markazi, Telegram boti, veb-sahifadagi murojaat shakli va boshqa aloqa vositalari (kanallari) orqali murojaat qilish lozim.

3.2. Xaridor o'z zimmasiga oladi:

3.2.1. Tovarga Buyurtmada belgilangan tartib va muddat asosida to'lovni oshirish.

3.2.2. Ushbu Buyurtma shartlariga muvofiq ravishda Tovarni miqdori, sifati, assortimenti va to'liqligi bo'yicha qabul qilish.

3.2.3. Tovarni qabul qilishda Tovarning sifatini vizual tekshirish. Xaridor tomonidan Tovarni qabul qilish Xaridorning Tovar (sifati, miqdori va boshqa xususiyatlari) bo'yicha hech qanday da'vosi yo'qligini anglatadi.

3.2.4. Agar Tovar miqdori, sifati, assortimenti, to'liqligi, jihozlari (shu jumladan zarur hujjatlarning mavjudligi), ushbu Shartnomaning qadoqlanishi va shartlari bo'yicha mos kelmasa, Sotuvchi Tovar qabul qilingan kundan boshlab 1 ish kunidan oshmagan muddat davomida xabardor qilinishi kerak.

3.2.5. Agar kafolat muddati davomida Tovarning nuqsonlari aniqlansa, Xaridor Sotuvchiga aniqlanganidan so’ng aniqlangan nuqsonlar to’g’risida xabarni kontakt markaz (qo'ng'iroqlar markazi, Telegram-bot, veb-sahifadagi fikr-mulohazalar va sharhlar shakli va boshqalar) orqali berishi majbur. Da'volar tovar nomi, uning qiymati, yetkazib berish sanasi, Buyurtma raqami, taxminiy yoki mavjud nuqsonlarning tavsifi ko'rsatilgan holda kiritiladi.

3.3. Sotuvchi huquqiga ega:

3.3.1. Xaridor Tovar uchun to'lov majburiyatini buzgan holda hamda Shartnomaning boshqa shartlari asosida Buyurtmani bekor qilish.

3.3.2. Bir tomonlama tartibda Shartnoma shartlariga o'zgartirish kiritish.

3.4. Xaridor huquqiga ega:

3.4.1. Sotuvchi tomonidan xaridorga topshirilgunga qadar Tovarni istalgan vaqtda rad etish. Ushbu huquq Marketpleys orqali buyurtma qilingan import qilinadigan Tovarlarga nisbatan qo'llanilmaydi.

3.4.2. Sotib olingan tegishli sifatga ega bo’lmagan Tovarni Sotuvchiga O'zbekiston Respublikasi qonunchiligiga muvofiq tartib va shartlar asosida qaytarib berish.

3.4.3. Sotib olingan tegishli sifatga ega bo’lgan Tovarni Sotuvchiga O'zbekiston Respublikasi qonunchiligiga muvofiq tartib va shartlar asosida hamda yetkazib berish xizmatlari uchun to'lov kiritilganidan so’nggina qaytarib berish.

3.4.4. Tovar uchun to'langan pul mablag’larni Tovarni Sotuvchiga qaytarilgan kundan boshlab 30 kalendar kun mobaynida qaytarish va ushbu Shartnomaning 4.6-bandiga muvofiq holda qaytarish uchun ariza berish.

3.4.5. Tovarlarga Shartnomaning 4.3-bandda ko’rsatilgan usullar yordamida to’lov kiritish va promo-kodlardan foydalanish orqali chegirmalarga ega bo’lish.

Tovarni qaytarish va almashtirish tartibi, muddati va shartlari haqidagi ma'lumotlar Xaridor veb-sahifasining tegishli bo'limlarida taqdim etiladi.

4. Hisob-kitob tartibi.

4.1. Tovar narxi Xaridorning veb-sahifasida O'zbekiston Respublikasining milliy valyutasi - so'mda ko'rsatilgan.

4.2. Tovar har qanday pozitsiyasining narxi Sotuvchi tomonidan bir tomonlama tartibda Xaridor xabarisiz o'zgartirilishi mumkin

4.3. Xaridor tovarlarning to’lovini quyidagi usullarning biri orqali amalga oshiradi:

4.3.1. tovarni qabul qilishda naqd pul to’lovi;

4.3.2. bank kartasidan foydalangan holda naqd pulsiz to’lov;

4.3.3. sovg'a sertifikatlarini ishlatish orqali.

4.4. Tovar uchun to'lov miqdori Xaridorning pul mablag'larini naqd pulsiz o'tkazish va Tovarni yetkazib berish qiymati komissiyani o'z ichiga olmaydi.

4.5. Import qilingan Tovar uchun to'lov oldindan to'liq hajmda amalga oshiriladi.

4.6. Pul mablag'larini qaytarish Sotuvchi tomonidan faqat naqd pulsiz shaklda pul mablag'larini Xaridorning plastik kartasiga o'tkazish yo'li orqali amalga oshiriladi. Bank tomonidan pul o'tkazma uchun komissiya Xaridor tomonidan tegishli sifatga ega Tovarni qaytarishda ushlab qolinadi. To'lov tizimlari orqali mavjud bo'lmagan yoki bekor qilingan tovarlar uchun to'lov amalga oshirilganda, pul mablag'lar Xaridorning to'lov amalga oshirilgan bank kartasiga qaytariladi.

4.7. Xaridor tomonidan joylashtirilgan Buyurtmani rasmiylashtirish (tasdiqlash) Xaridorning ushbu shartnoma shartlariga roziligini bildiradi hamda Sotuvchi va Xaridor o'rtasida shartnoma tuzish sanasi hisoblanadi.

5. Tovarni yetkazish tartibi.

5.1. Sotuvchi Shartnomaga muvofiq Buyurtma bo'yicha Tovarni tadqim etish va yetkazib berishni amalga oshiradi.

5.2. Sotuvchi Xaridor tomonidan olti xonali tasdiqlovchi kodni kiritilishidan so'ng Tovarni Xaridorga yetkazadi.

Kodni uchinchi shaxslarga uzatishda Xaridor javobgar hisoblanadi.

5.3. Tovar Xaridor yoki uning tomonidan ko'rsatilgan shaxsga haqiqiy yetkazilish vaqti Tovarni Xaridorga muvaffaqiyatli topshirish haqida SMS-xabar bilan tasdiqlanadi. O'zbekiston Respublikasining Fuqarolik Kodeksiga (186-modda 2-qismi) muvofiq, buyum sotib oluvchi yoki uning tomonidan ko'rsatilgan shaxsga haqiqiy tadqim etilgan paytdan topshirilgan deb hisoblanadi.

5.4. Tasodifiy buzilish yoki tasodifiy zarar xavfi Sotuvchi Tovar uchun to'lovni tasdiqlovchi hujjat va veb-sahifasida va/yoki Sotuvchining mobil ilovasidagi maxsus maydonda tasdiqlovchi kodni kiritish orqali Tovarni Xaridorga topshirgan paytdan boshlab Xaridorga o'tadi.

5.5. Sotuvchi Xaridorga tovar bilan bir vaqtda, unga tegishli bo'lgan barcha hujjatlar (texnik pasport, kafolat taloni, yo'riqnoma va boshqa hujjatlarni) O'zbekiston Respublikasi Qonunchiligi nazarda tutilgan tarzda yetkazadi.

5.6. Tovarning ko'rinishi, shu jumladan rangi, fotosuratda taqdim etilganlaridan (yorug'lik, chiroq va boshqalar) bir oz farq qilishi mumkin. Tovarning xususiyatlari va xususiyatlariga oid savollar bo'lsa, buyurtma berishdan oldin Xaridor Sotuvchiga murojaat qilishi kerak.

6. Tomonlarning javobgarligi.

6.1. Taraflar O'zbekiston Respublikasi Qonunchiligiga muvofiq Shartnoma bo'yicha o'z majburiyatlarini bajarmasligi yoki tegishli darajada bajarmasligi uchun javobgar hisoblanadi.

6.2. Sotuvchi Tovarni ishlatish, saqlash yoki transportirovka qilish qoidalari Xaridor tomonidan buzilgan bo'lsa yoki yengilmas kuch ta'siri sababli zarar yetkazilganligini isbotlasa, Sotuvchi javobgarlikdan ozod qilinadi.

6.3. Xaridor Sotuvchining oldindan yozma roziligisiz Sotuvchining kontentidan (Marketpleysda joylashtirilgan matn, maqola, rasm va tasvirlar) foydalanishda javobgardir.

7. Tovar sifati kafolati.

7.1. Kafolat muddati davomida Tovarda topilgan nuqsonlar ishlab chiqaruvchining aybi bo'yicha mavjud bo'lsa, Sotuvchi Xaridorni tegishli Tovar ishlab chiqaruvchining vakolatli xizmat ko'rsatish markazlarining joylashuvi haqida xabardor qiladi.

7.2. Tovar uchun kafolat muddati ishlab chiqaruvchi (ishlab chiquvchi) tomonidan belgilanadi va Tovarni Xaridorga topshirilgan paytidan boshlab hisoblanadi.

8. Nizolarni hal qilish.

8.1. Ushbu Shartnoma bo’yicha nizolarni sudgacha hal etishning da'vo tartibi taraflar uchun majburiydir.

8.2. Da’vo xatlari Xaridor tomonidan ushbu shartnomaning 10-moddasida ko'rsatilgan manzilga Sotuvchiga topshirilganligi to’g’risidagi xabarnoma bilan pochta orqali yuboriladi.

8.3. Da'vo xatini ko'rib chiqish muddati xatni qabul qiluvchi tomonidan qabul qilingan kundan boshlab 15 (o'n besh) ish kunini tashkil etadi.

8.4. Agar Taraflar muzokaralar yo'li bilan kelishuvga kelishmasa, ular O'zbekiston Respublikasining amaldagi qonunchiligiga muvofiq ravishda ko'rib chiqish uchun tegishli yurisdiktsiya sudiga topshiriladi.

9.Fors-major.

Tomonlarning har biri ushbu Shartnoma bo'yicha o'z majburiyatlarini to'liq yoki qisman bajarmaganligi uchun, agarda bu bajarilmaslik ushbu Shartnoma imzolangandan so'ng yuzaga kelgan yengib bo'lmas kuch holatlari bilan bog'liq bo'lsa,  javobgarlikdan ozod qilinadi. "Yengib bo'lmas kuch" – favqulodda vaziyatlarni oldindan ko'ra bilishi yoki mazkur Tomonning mavjud vositalari yordamida oldini olish mumkin bo'lmagan holatlarni anglatadi. Bunday favqulodda hodisalar yoki holatlar, jumladan, epidemiyalar, ish tashlashlar, suv toshqinlari, yong'inlar, zilzilalar va boshqa tabiiy ofatlar, urushlar, harbiy harakatlar, davlat organlarining harakatlari, shuningdek har qanday Tomonning oqilona nazoratidan tashqaridagi boshqa holatlar kiradi. Amaldagi qonun hujjatlari yoki normativ hujjatlardagi har qanday Tomonga bevosita yoki bilvosita ta'sir ko'rsatadigan o'zgarishlar Yengib bo'lmas kuch holatlari deb hisoblanmaydi, biroq Tomonlarning ushbu shartnoma bo'yicha o'z majburiyatlarini bajarishiga yo'l qo'ymaydigan bunday o'zgartirishlar kiritilgan taqdirda, Tomonlar ushbu shartnoma ijrosini ta'minlash maqsadida zudlik bilan bartaraf etish bo'yicha ish tartibi to'g'risida qaror qabul qilishlari shart.

Sotuvchi javobgar hisoblanmaydi va quyidagi sabablarga ko'ra xizmatlar, tizimlar, saytlar yoki xizmatlarning kechikishi yoki ishlamay qolishi oqibatida yuzaga kelgan har qanday zarar uchun kompensatsiya to'lashga majbur emas: tizimning texnik xizmat ko'rsatish uchun o'chirib qo'yilishi; aloqa terminallari yoki telekommunikatsiya uskunalari ishlamay qolishi natijasida ma'lumotlarni uzatishning mumkin emasligi; favqulodda vaziyatlar bilan bog'liq holda tizimlar va ularning funktsiyalarini bajarmasligi; xaker yoki kiber hujumlar, texnik tuzatishlar yoki telekommunikatsiya uskunalari ishlamay qolishi, veb-saytni yangilash, uchinchi tomonlardagi uzilishlar yoki logistika yoki biznes operatsiyalarining uzilishi yoki to'xtatilishi (shu jumladan, lekin ular bilan cheklanmagan holda, har qanday davlat organining buyrug'i bilan ishni yoki operatsiyani qayta tiklashni kechiktirish yoki to'xtatish) epidemiya yoki pandemiyaning milliy yoki mintaqaviy tarqalishi holatlarida ishni qayta tiklash.

10. Sotuvchining manzili va rekvizitlari.

MCHJ «MARKETPLACE TRADING»

Toshkent shahri, Shayxontohur tumani, Zulfiyaxonim ko'chasi, 12-uy.

"Trastbank" XAB h/s 2020 8000 5052 7332 0001

MFO: 00491, INN 307 692 757, OKVED: 62 090